အရေးကြီးပြီ ညီနောင်အပေါင်းတို့ သွေးစည်းကာ ညီစေညီကြစို့ ...

အရေးကြီးပြီ ညီနောင်အပေါင်းတို့ သွေးစည်းကာ ညီစေညီကြစို့ ...

ကိုဗစ် ၁၉ ကြောင့် နိုင်ငံတကာကဲ့သို့ မြန်မာပြည်၏ ခရီးသွား လုပ်ငန်း သည် လည်းများစွာထိခိုက်နင့်နာပြီး နောက်ထပ် အနည်းဆုံး တနှစ် မှ သုံးနှစ်ခန့်ထိ လုပ်ငန်းများပုံမှန်လည်ပတ်နိုင်ဦးမည်မဟုတ်ပဲ အလုပ်လက်မဲ့ ပြသနာနှင့် ဆက်စပ်လုပ်ငန်းများပါရပ်ဆိုင်းပြီး မိသာစု စားဝတ်နေရေးခက်ခဲမှု ပြသနာများကို ရင်ဆိုင်ရတော့မည်မှာ အသေအချာဖြစ်ပါသည်
ထိုအထဲတွင် ကားဆရာ မြင်းလှည်းဆရာ စားသောက်ဆိုင် နောက်ဆုံး လက်ပွေ့စျေးသည်ကအစ အရင်းအနှီးနှင့် လုပ်ကိုင်သူများမို့ ပြည်ပခရီးသည် မလာတောင်ပြည်တွင်းခရီးသည်အပေါ် မှာ လုပ်ကိုင်စားသောက်ဖြစ်နိုင်သေးသော်လည်း ဧည့်လမ်းညွှန် များကတော့ ကာယအားဖြင့်လည်းလုပ်မစားနိုင် ဝန်ထမ်းအဖြစ်လုပ်ကိုင်ဖို့ကလည်း ကိုယ်ပိုင်လွတ်လပ်စွာလုပ်ကိုင်ခဲ့သူများဖြစ်ကြသည့်အတွက် သူများဝန်ထမ်းလုပ်ဖို့ အများစုသည် အဆင်သင့်ဖြစ်မည်မထင်
လုပ်လိုသည့်တိုင်အောင်လည်း အလုပ်အကိုင်ရှားပါးနေသောအချိန်တွင် အလုပ်တခုရဖ်ို့မလွယ်ပါခြေ
တလောကဂိုက်ညီမငယ်တယောက်က စားဝတ်နေရေး ခက်ခဲလာသည့်အတွက် အစိုးရထံမှ ငွေချေးပေးဖို့ အစိုးဆီ မေတ္တာရပ်ခံသည်ပင် မြင်လိုက်ရပေသည်

တကယ်တော့ ကျနော်တို့ ဧည့်လမ်းညွန်များတွင် အားသာချက်များစွာရှိသည်

​သေန္တရဗဟုသုတ စုံသည် ဒေသတိုင်းတွင် မိတ်ဆွေရှိသည်
နိုင်ငံပေါင်းစုံတွင်မိတ်ဆွေရှိသည်
နိုင်ငံများစွာကို ရောက်ပေါက်ဖူးကြသည်
ကမ္ဘာသိ သိမြင်သောဗဟုသုတရှိသည်
ကိုယ်ပိုင်လုပ်ငန်းသဖွယ်အလုပ်ကိုင်သူများမို့ sence of ownership အပြည့်ရှိသည်
ခေါင်းဆောင်မှုအရည်အသွေးရှိသည်
အဖွဲ့လိုက်လုပ်ပူးပေါင်းလုပ်ကိုင်နိုင်သော အရည်အသွေးရှိသည်
အနုပညာ ဥာဥ် ဝိဥာဥ်ရှိသည်
အလုပ်တခုအောင်မြင်မှု၏လျို့ဝှက်ချက်ဖြစ်သော Passion ရှိသည်
စီးပွားရေးအမြင် အထိုက်လျောက်ရှိသည်
မားကက်တင်း အခြေခံ နှင့် လူမှုပေါင်း
သင်းဆက်ဆံရေးဝင်ဆန့်သည်
အခြေခံ Management သဘောတရားတွေ ခေါက်မိသည်
မိုတီဗေးရှင်းအားကောင်းသည်
သင်လွယ်တတ်လွယ် သည်
နိုင်ငံခြားဘာသာစကားတတ်ကြွမ်းသည်
ရေးရရင်ကုန်နိုင်ဖွယ်မရှိ

နောက်တချက် မြန်မာနိုင်ငံဧည့်လမ်းညွှန်အသင်းကြီးလည်းအသင့်ရှိသည်

ကျနော်တို့ ဘာလုပ်ကြမည်နည်း
ပထမဆုံး Crisis to Opportinity ကို မမှိတ်မသုံယုံကြည်ရမည်
စည်းလုံးညီညွတိကြရမည် ရန်ကုန် မန္တလေး ပုဂံ အင်းလေး မခွဲပဲ တစည်းတလုံးတည်း တသံတည်း ဦးတည်ရာတခုတည်းကို တပြိုက်နက် တက်ညီလက်ညီသွားရမည်

ကျနော်တို့ ဧည့်လမ်းညွန်များတွင် လိုအပ်သည့် တခုကတော့ အရင်းအနှိးဖြစ်သည်
ထိုအရင်းအနှီးကို အသင်း၏ဦးဆောင်မှု ဖြင့် နိုင်ငံတော် မှ အသင်းအဖွဲ့ဝင် ဧည့်လမ်းညွှန် တွေအတွက် လုပ်ငန်းထူထောင်နိုင်ရန် တောင်းဆိုလျင် မရနိုင်ပြီလော
မြန်မာခရီးသွားဘဏ်များ
ပုဂ္ဂလိကဘဏ်များမှ မရနိုင်ပြီလော
ကျနော်တို့တယောက်ချင်းတွင် ငွေကြေးမရှိတောင် အနယ်နယ်အရက်ရပ်တွင် ဝယ်ထားသော ခြံမြေကလေးများကား အသင်း၏ မာစတာပလန်အောက်မှာ ငွေခြေးဖို့ ရာ အပေါင်ပစ္စည်း ဖြစ်နိုင်သည်မဟုတ်ပါလား

အချို့မိမိမှာရှိသော ငွေကြေးကို ထည့်ဝင်နိုင်သူများစွာရှိနိုင်သေးသည်

ကျနော်တို့ ဂိုက်များသည် ကုမ္ပဏီနှင့် ခရီးသွားအေးဂျင့်တို့ ထက်ပိုမိုအားသာသော မြေပြင်အခြေနေသိနားလည်မှု စျေးကွက် အခြေနေနားလည်မှု ခရီးသည်၏ လိုအပ်ချက် မျှော်လင့်ချက်ကို တကယ်ဖြည့်ဆည်းပေးချင်သော အာသီသ များရှိကြသည်

ကျနော်တို့ CBT ကို အထင်ကရ တိုးဆိုက်တွေနှင့်အနီးအပါးမှာ ထူထောင်နိုင်သည်
ပုဂံအနီး
အင်းဝ
ဖိုးဝင်းတောင် နားက ရွာတွေမှာ
ကလော အင်းလေး ချင်းတောင်မှာ လွှိုင်ကော် ထို အနီးနားကရွာတွေမှာ ..

အိမ်းငှား မည်
အနည်းငယ် ပြုပြင်မွန်းမံ ၍ လိုအပ်တာထည့်မည်
ရွာလူငယ်တွေကို သင်တန်းပေးမည်
ကျေးရွာ မှာ အလုပ်အကိုင်ရစေမည်
ကျနော်တို့ CBT Product program ကို ကိုယ်တိုင်ရောင်းမည် ခရီးသွား အေဂျင်စီတွေကိုရောင်းမည်
လိုင်စင်ကိုင်ပြီး မြေပြင်ပေါ်စိတ်ဝင်စားမှုနည်းသော ဧည့်လမ်းညွန်များ က စီမံသူ လုပ်ငန်းလည်ပတ်သူများ ဖြစ်လာကြမည်

မတူကွဲပြားသော Product Itinerary များကို MTGA ၏ မူပိုင်ခွင့် အောက်တွင် brain storm လုပ်ကာရေးဆွဲပြီး တိုးကုမ္ပဏီတွေကို Product design ရောင်းနိုင်သည်
Incentive tour design တွေနှင့် packkage တွေကို travel agent တွေထံ ရောင်းချနိုင်သည်
Product design consulting and implementation လုပ်ပေးနိုင်သည်

ဂိုက်အပေါင်းညီကြလျင်..
MTGA လကိဆောင်ပစ္စည်း အရောင်းဆိုင် ဖွင့်နိုင်သည်
ယွန်းဆိုင် လက်မှုထည် ဆိုင် ဖွင့်နိုင်သည်
MTGA စားသောက်ဆိုင်ဖွင့်နိုင်သည်
MTGA လုပ်ငန်းစု ဖြစ်ပေါ်လာနိုင်သည်

MTGA မော်တော်ဘုတ်ဖြင့် ဧရာဝတီ ဒှဌာဝတီ စစ်ကိုင်း အင်းဝ မင်းကွန်း မြင်းစိုင်း တို့ ကို မြစ်ကြောင်းမှ authentic program ပို့နိုင်သည်

ပြည်ပ ဧည်သည် မမျှော်နိုင်သေးတောင် ပြည်တွင်းဧည့်သည်များ ကို ထိုက်သင့်သော affordable price ဖြင့်ဝန်ဆောင်မှုပေးမည်
ကိုယ်ပိုင် အသင်းပိုင် လုပ်ငန်းများမို့ မျှတသင့်တင့်သောနှုံးထားဖြင့် ရောင်းချဝန်ဆောင်မှုပေးနိုင်မည်
အလုပ်များရကြမည်
တဖက်တလမ်းက ဝင်ငွေများရကြမည်
ညီနောင်အသင်းများ၏ စံပြနေရာကို ရယူနိုင်ကြမည်

ကျနော်တို့ လက်ထဲမှာ ရှိသော
မှော်အတတ်ကဲ့သို့ ဖန်တီးနိုင်စွမ်းအားတွေ
တီထွင်နိုင်စွမ်းအားတွေ
soft skill တွေ
ကျနော်တို့ အိပ်မက်တွေ
ကျနော်တို့ လုပ်ချင် လုပ်နိုင်ပါလျက်နှင့် လုပ်နိုင်ခွင့် အကန့်အသတ်ကြောင့် ကျနော်တို့ မလုပ်နိုင်ခဲ့သောလုပ်ခွင့်မရခဲ့သော
ကျနော်တိုရဲ အိပ်မက်တွေ ရူးသွပ်မှုတွေ ကိုစည်းလုံးညီညွတ်သော တဝမ်းတစိတ်ညီသော ရဲဘော်ရဲဖက်စိတ်ဖြင့်
စတင်ထူထောင်ဖို့ အချိန်ရောက်ပြီဖြစ်ကြောင်း နိုးဆော် လိုက်ရပေသည် ..

သင်းမောင်(ပုဂံ)